Segundo o Decreto polo que se regulan os comedores escolares dos centros docentes públicos (DOG 13 de agosto de 2013) e segundo a disposición adicional segunda da Orde do 12 de marzo de 2013 (DOG 15 de marzo de 2013), ábrese un prazo de reserva de comedor para o curso 2025-2026 para que o alumnado con garantía de permanencia no centro que non teña que formalizar matrícula, poida solicitar o servizo.

Solicita praza de comedor escolar para:

Tendo en conta a instrución 3/2022 da Xunta da Secretaría Xeral Técnica da Consellería sobre o funcionamento dos comedores escolares de xestión indirecta, a orde de preferencia será a seguinte:

1. Alumnado usuario do servizo de comedor escolar no curso escolar anterior (2024-2025).
2. Alumnado matriculado no centro e que solicita por primeira vez o servizo de comedor escolar para o vindeiro curso 2025-2026
   • Se houbera máis solicitudes que prazas ofertadas (no segundo apartado) o baremo que se aplicará será o seguinte:
     
     • Alumnado pertencente a unidades familiares que se atopan en situación socioeconómica de exclusión social ou que teña unha discapacidade igual ou superior ao 33%, certificadas polos servizos sociais ou municipais.
     • Alumnado membro de familias numerosas, acreditado co correspondente título ou carné expedido para o efecto.
     • Alumnado fillo de pais e nais, titores legais ou acolledores familiares, traballadores con incompatibilidade acreditada documentalmente dos seus horarios laborais.
     • Outro alumnado do centro. Neste suposto atópanse os escolarizados fóra da área de influencia que lles corresponde.
     • Persoal docente e non docente que preste servizos no centro e non colabore nos labores de atención e apoio ao alumnado.

Documentación a presentar:

• Documentacion que acredite o dereito a beneficiarse da inclusión nalgún dos criterios do baremo.